Sudanın cənubunda qızıl mədəninin çökməsi nəticəsində azı 63 nəfər ölüb.
Hadisə sentyabrın 15-də Qərbi Kordofan əyalətində, El-Naxud şəhəri yaxınlığındakı Əl-Zəraa şaxtasında baş verib.
Xarici KİV-lərin məlumatına görə, növbəti günün səhərinədək dağıntılar altından 63 nəfərin meyiti çıxarılıb. Onlarla mədənçinin dağıntılar altında qaldığı ehtimal olunur.
Axtarış-xilasetmə işləri primitiv alətlərlə davam etdirilir. Dağıntıların aradan qaldırılması üçün ağır texnikaya ehtiyac olduğu bildirilir.
