Prezident İlham Əliyev Müsəlman Ağsaqqalları Şurasının baş katibi ilə görüşüb
Azərbaycan Prezidenti İlham Əliyev sentyabrın 14-də Müsəlman Ağsaqqalları Şurasının baş katibi Məhəmməd Əbdülsalamı qəbul edib.
Görüşdə Prezident İlham Əliyev ilə Məhəmməd Əbdülsalam arasında əvvəlki görüşlər məmnunluqla xatırlanıb, Azərbaycan ilə Müsəlman Ağsaqqalları Şurası arasında uğurlu əməkdaşlığın əhəmiyyəti qeyd olunub.
Söhbət zamanı İslam həmrəyliyinin möhkəmləndirilməsində Azərbaycanın qlobal səviyyədə oynadığı mühüm rola toxunulub. Bu baxımdan Türk Dövlətləri Təşkilatının Müsəlman dini liderlərinin Bakıda keçirilən 7-ci görüşünün, eləcə də gələn il Azərbaycanda təşkil olunacaq İslam Əməkdaşlıq Təşkilatının Zirvə Toplantısının əhəmiyyəti vurğulanıb.
Azərbaycanda dini münasibətlərin yüksək səviyyədə tənzimləndiyi qeyd olunub.
Görüşdə Prezident İlham Əliyevin bu ilin əvvəlində “Zayed İnsan Qardaşlığı Mükafatı”na layiq görüldüyü də xatırlanıb. Məhəmməd Əbdülsalam mükafatın sertifikatını dövlət başçısına təqdim edib.
