Azərbaycan Mərkəzi Bankı bank olmayan kredit təşkilatlarının verdiyi və geri qaytarılmasında problem yaranan kreditlərlə bağlı yeni qaydalar hazırlayır.
AMB-nin Bank olmayan kredit təşkilatlarının fəaliyyətinə nəzarət departamentinin direktoru Xəyyam İsmayılov bildirib ki, məqsəd kredit təşkilatlarında yaranan riskləri azaltmaq və maliyyə sabitliyini qorumaqdır.
Onun sözlərinə görə, bunun üçün kredit verilməsinə nəzarət gücləndiriləcək və problemli kreditlərlə bağlı yeni qaydalar müəyyənləşdiriləcək.
X.İsmayılov qeyd edib ki, yoxlamalar zamanı qanun pozuntuları aşkar edilərsə, onların aradan qaldırılması üçün tədbirlər görülür.
