Binəqədi rayonunda evlərin birindən 8 min manat dəyərində məişət və geyim əşyaları oğurlanıb.
Zərərçəkmişin polisə müraciəti əsasında Binəqədi Rayon Polis İdarəsinin əməkdaşları tərəfindən keçirilən tədbirlər nəticəsində əməli törətməkdə şübhəli bilinən 21 yaşlı Tofiq Quluzadə saxlanılıb. Onun əvvəllər narkotiklə əlaqəli cinayətə görə məhkum olunduğu müəyyən edilib.
Araşdırmalar zamanı məlum olub ki, Tofiq Quluzadə kirayə qaldığı evdən əşyaları oğurlayaraq hadisə yerini tərk edib.
Faktla bağlı araşdırmalar davam etdirilir.
