Dövlət Turizm Agentliyinin təşkilatçılığı ilə media nümayəndələri üçün Lənkərana mediatur keçirilib.
Səfər çərçivəsində Lənkəran Tarix-Diyarşünaslıq Muzeyi, Hirkan Milli Parkı və Xanbulan gölü ziyarət olunub. Jurnalistlər həmçinin çay istehsalı prosesi ilə tanış olub, Arıçılıq Muzeyində apiterapiya imkanları barədə məlumat alıblar.
Mediaturun məqsədi Lənkəranın təbii və mədəni irsini, eləcə də yerli turizm məhsullarını tanıtmaq və bölgəyə turist səfərlərini təşviq etmək olub.
