Rusiya Prezidenti Vladimir Putin ABŞ nümayəndə heyətinin səfəri ilə əlaqədar sentyabrın 5-dən 8-dək Kiyevə zərbələrin endirilməməsi barədə göstəriş verib.
Bu barədə Kremlin sözçüsü Dmitri Peskov bildirib.
Onun sözlərinə görə, qərar ABŞ Prezidentinin xüsusi elçiləri Stiv Uitkoff və Cared Kuşnerin regiona səfəri ilə əlaqədardır.
Peskov qeyd edib ki, Putin sentyabrın 5-i saat 00:00-dan etibarən üç gün ərzində Kiyevə zərbələr endirilməməsi barədə göstəriş verib.
Uitkoff və Kuşner Rusiya rəhbərliyi ilə Ukraynadakı münaqişənin həlli ilə bağlı danışıqlar aparmaq üçün Moskvaya gediblər. Onların sentyabrın 6-da Kiyevdə Ukrayna rəhbərliyi ilə görüşməsi planlaşdırılır. ABŞ Prezidenti Donald Tramp isə mümkün sülh sazişi ilə bağlı yeni ideyanın yarandığını açıqlayıb.
