Avqustun 20-dən başlayan şagirdlərin elektron yerdəyişməsi prosesi sentyabrın 7-də yekunlaşır.
Məktəbəqədər və Ümumi Təhsil üzrə Dövlət Agentliyindən bildirilib ki, sy.edu.az elektron sistemi vasitəsilə ümumi təhsil müəssisələrinə sorğu yerləşdirmə prosesi sentyabrın 7-si saat 12:00-da dayandırılacaq.
Həmin vaxta qədər sorğu yerləşdirən valideynlər sentyabrın 10-u saat 15:00-a qədər övladlarının sənədlərini yerdəyişmə etdikləri məktəbə təqdim etməlidirlər.
Qeyd olunub ki, yerdəyişmə prosesi başa çatdıqdan sonra tamamlanmayan sorğular və növbələr sistem tərəfindən avtomatik silinəcək.
