İran Hörmüz boğazı ilə bağlı mövqeyini və şərtlərini vasitəçi kimi Pakistana çatdırıb.
Məlumatlı mənbənin “Təsnim”ə açıqlamasına görə, ötən gün İrana səfər edən Pakistan Quru Qoşunlarının komandanı Asim Munir ABŞ tərəfindən hər hansı təhdid və ya buna bənzər mesaj gətirməyib.
Mənbə bildirib ki, Munirin səfərinin məqsədi danışıqlar üçün şərait yaratmaq olub.
Onun sözlərinə görə, İranın mövqeyi keçirilən görüşlərdə Pakistan tərəfinə açıqlanıb. İranın şərtləri arasında ABŞ-nin İslamabad Anlaşma Memorandumuna qayıtması və onun Hörmüz boğazında İranın tənzimləmələrini nəzərdə tutan 5-ci bəndinin icrası da yer alır.
Məlumata görə, Pakistan tərəfi İranın bu mövqeyini ABŞ-yə çatdırmağa çalışır.
Qeyd edək ki, Qətər Xarici İşlər Nazirliyinin rəsmi nümayəndəsi Məcid əl-Ənsari ABŞ və İran arasında danışıqlarda yeni irəliləyiş olmadığını bildirib.
