ABŞ-ın Alyaska ştatında qəzaya uğrayan “Cessna 441” markalı təyyarənin göyərtəsində olan 8 nəfərin hamısı həlak olub.
Təyyarədə 1 pilot və 7 sərnişin olub.
Hadisə zamanı təyyarə Ankoricdən Alyaskanın cənub-qərb sahilində yerləşən Keyp-Nyunhem burnuna doğru hərəkət edib.
ABŞ-nin Nəqliyyatda Təhlükəsizlik üzrə Milli Şurasının (NTSB) məlumatına görə, Ankoricdəki aviabələdçilər hava gəmisinin təyinat məntəqəsinə çatmadan yerə çırpılması barədə siqnal alıblar.
Qeyd edək ki, Keyp-Nyunhem ərazisində ABŞ Hərbi Hava Qüvvələrinə məxsus hərbi aerodrom və radiolokasiya stansiyası yerləşir.
Qəzanın səbəbləri araşdırılır.
