Şəmkir rayonunda 6 nəfərin ölümü, 6 nəfərin isə yaralanması ilə nəticələnən yol qəzası ilə bağlı cinayət işi başlanılıb.
Hadisə Bakı–Qazax magistral yolunun Şəmkir rayonundan keçən hissəsində baş verib.
Gədəbəy rayon sakini, 1973-cü il təvəllüdlü Elnur Hüseynovun idarə etdiyi “KIA Sorento” markalı avtomobil Şəmkir rayonunun Mahmudlu kənd sakini, 1981-ci il təvəllüdlü Əli Aslanovun idarə etdiyi “VAZ-2106” markalı avtomobillə toqquşub.
Qəza nəticəsində 6 nəfər ölüb, 6 nəfər isə müxtəlif xəsarətlərlə xəstəxanaya yerləşdirilib.
Faktla bağlı Azərbaycan Respublikası Cinayət Məcəlləsinin 263.3-cü maddəsi ilə cinayət işi başlanılıb. Həmin maddə yol hərəkəti və nəqliyyat vasitələrinin istismarı qaydalarının pozulması nəticəsində iki və daha çox şəxsin ölümünə səbəb olma hallarını əhatə edir.
Hadisə ilə bağlı müvafiq ekspertizalar təyin edilib.
