Bakının Suraxanı rayonunun Əmircan qəsəbəsində yerləşən Şəhidlər xiyabanında şəhid məzarlarının ətrafı dağıdılıb, əkilmiş dekorativ ağaclar oğurlanıb.
Hadisə ilə bağlı görüntüləri şəhidlərdən birinin – Azərbaycan Hərbi Hava Qüvvələrinin kapitanı Xəyyam Əliyevin atası sosial şəbəkə hesablarında paylaşıb.
Daxili İşlər Nazirliyinin (DİN) mətbuat xidmətindən bildirilib ki, şəhid məzarının ətrafına əkilmiş dekorativ ağacların oğurlanması ilə bağlı polisə daxil olan müraciət əsasında araşdırma aparılır.
Hazırda hadisəni törədən şəxs və ya şəxslərin müəyyən edilərək məsuliyyətə cəlb olunması istiqamətində zəruri tədbirlər görülür.
