Ermənistanda keçmiş baş nazir Ovik Abramyanın oğlu Arqam Abramyan sifarişli qətldə şübhəli bilinərək saxlanılıb.
Ermənistan İstintaq Komitəsinin məlumatına görə, istintaqın versiyasına əsasən, Abramyan 2023-cü ildə həyat yoldaşının “Xristian Evangelist İnancı” təşkilatının pastorlarından biri ilə münasibətdə olduğundan şübhələnib.
Qısqanclıq zəminində o, həmin şəxsin öldürülməsi üçün öz mühafizə xidmətinin əməkdaşlarına tapşırıq verib.
Qeyd edək ki, Arqam Abramyan sabiq baş nazir Ovik Abramyanın oğludur. O, həmçinin həbsdə olan “Çiçəklənən Ermənistan” partiyasının lideri Qagik Tsarukyanın kürəkənidir.
