Rusiya-Ukrayna müharibəsi fonunda sabiq komandirin rüşvət qalmaqalı diqqət çəkməyə davam edir. Belə ki, Ukrayna Hərbi Hava Qüvvələrinin logistika üzrə sabiq komandanı 20 milyon qrivna məbləğində pulu mənimsəməkdə şübhəli bilinir.
Məlumata görə, istintaq hesab edir ki, o, 2020–2025-ci illərdə rəsmi gəlirlərini ən azı 20 milyon qrivna üstələyən əmlak əldə edib.
İddialara əsasən, qohumlarının və yaxınlarının adına altı mənzil, üç fərdi ev, Bukoveldə apartament, torpaq sahələri, dörd avtomobil, qarajlar və digər daşınmaz əmlak rəsmiləşdirilib.
Prokurorluq onun barəsində 21 milyon qrivnadan çox girov müqabilində həbs qətimkan tədbirinin seçilməsini istəyir.
Qeyd edək ki, sözügedən hərbçi daha əvvəl də aviasiya üçün müdafiə qurğularının tikintisinə ayrılmış vəsaitlərin mənimsənilməsi ilə bağlı şübhəli şəxs qismində istintaqa cəlb olunub.
