Elektron köçürülmə əməliyyatlarının məbləğinin bir təqvim ili üzrə minimum həddi müəyyənləşdirilib.
Müvafiq qərara əsasən, maliyyə institutları Azərbaycan Respublikasının Maliyyə Monitorinqi Xidmətinə məlumat və sənədlər təqdim etməli olduqları elektron köçürmələr üzrə minimum hədd 20 min manat və ya onun xarici valyutada ekvivalenti olacaq.
Bu hədd bir təqvim ili ərzində hesablanacaq və müştərinin hər növbəti elektron köçürmə əməliyyatına münasibətdə tətbiq ediləcək.
Qərara əsasən, öhdəlik daşıyan şəxslər qərar qüvvəyə minənədək müştərisi olan hüquqi şəxslərin benefisiar mülkiyyətçiləri barədə məlumatları 2027-ci il dekabrın 31-dək Maliyyə Monitorinqi Xidmətinə təqdim etməlidirlər.
Qərar 2026-cı il oktyabrın 1-dən qüvvəyə minəcək.
