Lənkəran rayonunda baş verən yol-nəqliyyat hadisəsi nəticəsində üç nəfər xəsarət alıb.
Hadisə Liman şəhərində qeydə alınıb. Bakı istiqamətində hərəkətdə olan “Kia Ceed” markalı avtomobillə qarşıdan gələn “Opel” markalı avtomobil toqquşub.
Qəza nəticəsində “Kia”da olan Cəlilabad sakinləri Vüsal Şahbazov, Sadiq Heydərov və Adil Əliyev müxtəlif dərəcəli bədən xəsarətləri alıblar.
Yaralılar Lənkəran Rayon Mərkəzi Xəstəxanasına çatdırılıblar.
Faktla bağlı araşdırma aparılır.
