ABŞ Prezidenti Donald Tramp Vaşinqton və Tehran arasında avqustun 3-də danışıqların keçiriləcəyini açıqlayıb.
Tramp jurnalistlərə bildirib ki, görüş günün ikinci yarısında başlayacaq və tərəflər dialoq yolu ilə gələcək eskalasiyanın qarşısını almağa çalışacaqlar.
Onun sözlərinə görə, danışıqların uğurlu nəticəsi bir çox insanın həyatını xilas edə və bölgədə gərginliyi azalda bilər.
ABŞ Prezidenti həmçinin iddia edib ki, Vaşinqton və Tehran Hörmüz boğazında gəmiçilik məsələləri üzrə artıq razılığa gəlib. Tramp bildirib ki, növbəti mərhələdə İranın nüvə proqramı və nüvəsizləşdirilməsi ilə bağlı sazişin imzalanması müzakirə olunacaq.
