Müəllimlərin işə qəbulu (MİQ) müsabiqəsinin test imtahanı mərhələsi üzrə yekun nəticələr açıqlanıb.
Bildirilib ki, nəticələr namizədlərin şəxsi kabinetlərinə göndərilib.
14–18 iyul tarixlərində keçirilən imtahanlarda 35 mərkəzdə 33 mindən çox namizəd iştirak edib. Davamiyyət göstəricisi 96 faiz təşkil edib.
İmtahandan sonra daxil olan müraciətlər əsasında suallar yenidən ekspertiza olunub və biologiya, coğrafiya, rus dili və ədəbiyyatı, kimya və musiqi fənləri üzrə ümumilikdə bir neçə test tapşırığında qiymətləndirməyə təsir edən uyğunsuzluqlar aşkar edilib.
Müəyyən edilən səhvlər nəzərə alınaraq müvafiq fənlər üzrə namizədlərin balları onların xeyrinə yenidən hesablanıb. Yenilənmiş nəticələrlə namizədlər şəxsi kabinetlərində tanış ola bilərlər.
