Türkiyədə son günlər meşə və digər ərazilərdə ümumilikdə 206 yanğın hadisəsi qeydə alınıb.
Prezident Administrasiyasının Kommunikasiya İdarəsinin məlumatına görə, yanğınlardan 202-si nəzarət altına alınıb.
Hazırda Balıkesirin Gömeç, Antalyanın Alanya, Mersinin Gülnar-Aydıncık və Aydının Çine rayonlarında yanğınların söndürülməsi istiqamətində işlər davam etdirilir. Qeyd olunub ki, yanğınların 133-ü meşədənkənar ərazilərdə baş verib.
Yanğınlarla mübarizəyə 28 təyyarə, 119 helikopter, 14 pilotsuz uçuş aparatı, 1 953 yanğınsöndürmə avtomobili, 2 766 ilkin müdaxilə maşını və 878 xüsusi texnika cəlb olunub.
