Azərbaycan Respublikasının Prezidenti İlham Əliyev Qarabağın bərpasına göstərdiyi dəstəyə görə Qırğızıstana təşəkkür edib.
Çolpon-Ata şəhərində keçirilən Azərbaycan və Qırğızıstan Dövlətlərarası Şuranın 3-cü iclasında çıxış edən dövlət başçısı bildirib ki, Ağdam rayonunda Qırğızıstan Prezidenti Sadır Japarovla birlikdə açılışını etdiyi Manas adına məktəbdə artıq uşaqlar təhsil alırlar.
Prezident İlham Əliyev vurğulayıb ki, həmin məktəb Azərbaycan və Qırğızıstan qardaşlığının, eləcə də iki xalqın birliyinin rəmzidir və bu abidə uzun illər yaşayacaq.
Dövlət başçısı əlavə edib ki, göstərilən dəstək təkcə Qarabağ sakinləri deyil, bütün Azərbaycan xalqı tərəfindən yüksək qiymətləndirilir.
