Gürcüstanda genişmiqyaslı elektrik enerjisi kəsintisi baş verib.
Məlumata görə, paytaxt Tbilisi ilə yanaşı, Ozurgeti, Poti və Rustavi şəhərlərində də işıq kəsilib. Elektrik enerjisinin olmaması səbəbindən su nasoslarının fəaliyyəti dayanıb və Tbilisinin bəzi rayonlarında su təchizatı da kəsilib.
Küçələrdə işıqforlar işləmir, mağazalar isə elektriksiz qalıb.
Elektrik paylayıcı şirkətlər kəsintinin səbəbi ilə bağlı hələlik rəsmi açıqlama verməyib.
Qeyd edək ki, iyulun 24-nə keçən gecə də ölkədə analoji kütləvi elektrik kəsintisi yaşanmışdı.
