2009-cu ildə helikopter qəzasında həyatını itirən Türkiyənin Böyük Birlik Partiyasının (BBP) sədri Muhsin Yazıcıoğlunun ölümünün sui-qəsd olduğu iddia edilib.
Türkiyənin ədliyyə naziri Akın Gürlek bildirib ki, istintaq zamanı qəza baş verməzdən əvvəl ərazidən “F-4” qırıcı təyyarəsinin keçdiyi müəyyənləşdirilib və hadisənin FETÖ tərəfindən törədildiyini göstərən ciddi dəlillər əldə olunub.
Nazirin sözlərinə görə, qırıcı təyyarənin pilotunun həyat yoldaşının barmaq izləri FETÖ-nün “Türk Silahlı Qüvvələrindəki imamı” kimi tanınan və axtarışda olan Adil Öksüzün evində aşkarlanıb.
2009-cu ilin martında Kahramanmaraşda baş verən helikopter qəzasında Yazıcıoğlu ilə birlikdə daha beş nəfər həlak olmuşdu. Hadisədən 17 il sonra yenidən başladılan istintaq çərçivəsində 19 nəfər saxlanılıb.
