Bakı–Quba avtomobil yolunda piyadanın ölümü ilə nəticələnən yol-nəqliyyat hadisəsi baş verib.
İlkin məlumata görə, hadisə iyulun 23-də saat 14:00 radələrində yolun 53-cü kilometrliyində qeydə alınıb. “VAZ-11173” markalı avtomobil yolu müəyyən edilməmiş yerdən keçməyə çalışan piyadanı vurub.
Nəticədə piyada aldığı xəsarətlərdən hadisə yerində həyatını itirib.
Baş Dövlət Yol Polisi İdarəsi piyadaları yolu yalnız müəyyən edilmiş keçidlərdən və təhlükəsizlik qaydalarına riayət etməklə keçməyə çağırıb. Bildirilib ki, yol hərəkəti qaydalarına laqeyd yanaşmaq ağır və bəzən geri dönüşü olmayan faciələrə səbəb ola bilər.
