İran ABŞ-nin ölkəyə qarşı hücumlarını davam etdirəcəyi təqdirdə müdafiə mövqeyindən hücum mərhələsinə keçəcəyini bəyan edib.
İranın ali liderinin hərbi müşaviri Möhsün Rəzainin sözlərinə görə, ABŞ-nin hücumları yaxın iki-üç gün ərzində davam edərsə, İran Silahlı Qüvvələri cavab zərbələri mərhələsini başa vuraraq genişmiqyaslı hücum əməliyyatlarına başlayacaq.
O bildirib ki, bu halda İran yalnız Yaxın Şərqdə deyil, regiondan kənarda yerləşən ABŞ hərbi bazalarını da hədəfə alacaq.
Rəzai qeyd edib ki, Tehran vəziyyətin daha da gərginləşməsinə görə məsuliyyəti ABŞ-nin üzərinə qoyur.
