Son 30 saat ərzində sərhədi kütləvi şəkildə keçdikdən sonra 69,5 minə yaxın miqrant İspaniyanın Seuta şəhərini tərk edərək Mərakeşə qayıdıb.
Xəbər Mərkəzinin EFE Agentliyinə istinadən verdiyi məlumata görə, Taraxal sərhəd-keçid məntəqəsində qoruyucu maneələrin quraşdırılmasına başlanılıb.
Hüquq-mühafizə orqanlarındakı mənbələr bildiriblər ki, açıqlanan rəqəmə təkcə son kütləvi axın zamanı Seutaya gələnlər deyil, daha əvvəl şəhərdə olan miqrantlar da daxil ola bilər.
Polis həmçinin miqrantların bir hissəsinin ötən gün ərzində sərhədi hər iki istiqamətdə bir neçə dəfə keçə biləcəyini istisna etmir. Bu səbəbdən faktiki miqrant sayının açıqlanan göstəricidən az ola biləcəyi qeyd olunub.
