“Bakı Metropoliteni” QSC tərəfindən xətlərin ayrılması layihəsinin icrasına başlanılıb.
Layihə ilə əlaqədar bu gündən metronun “28 May” və “Nizami” stansiyaları arasında qatarların hərəkəti dayandırılıb.
Xətlərin ayrılması məqsədilə tikilən tunelin inşasının təxminən 11 ay davam edəcəyi planlaşdırılır. Dəyişikliklərin paytaxtda sərnişin axınının və nəqliyyat istiqamətlərinin müəyyən qədər dəyişməsinə səbəb olacağı bildirilir.
“28 May” və “Nizami” stansiyaları arasında əlaqənin təmin edilməsi məqsədilə AYNA tərəfindən 6 yeni ekspres avtobus marşrutu təşkil olunub.
Yeni ekspres marşrutlar:
M1 – “Elmlər Akademiyası” – “28 May”;
M2 – “İnşaatçılar” – “Nizami” – “28 May”;
M3 – “20 Yanvar” – “Nizami” – “28 May”;
M4 – “20 Yanvar” – “Koroğlu”;
M5 – “20 Yanvar” – “Gənclik”;
M6 – “Elmlər Akademiyası” – “Gənclik”.
