Metro xətlərinin ayrılması ilə əlaqədar sərnişin tələbatının qarşılanması üçün sentyabrın 6-dan M7 nömrəli yeni ekspres marşrut xətti fəaliyyətə başlayacaq.
AYNA-dan bildirilib ki, marşrut “20 Yanvar” metrostansiyasından “Qara Qarayev”, “Neftçilər”, “Xalqlar Dostluğu”, “Əhmədli” və “Həzi Aslanov” stansiyaları istiqamətində hərəkət edəcək.
“20 Yanvar” stansiyasındakı dayanacaq Rövşən Cəfərov küçəsində, “Velotrek” ərazisinin qarşısında, “Həzi Aslanov” stansiyasındakı dayanacaq isə Məhəmməd Hadi küçəsində, metronun qarşısında yerləşəcək.
M7 marşrutu metronun iş rejiminə uyğun olaraq hər gün saat 06:00-dan 00:00-dək fəaliyyət göstərəcək.
