Ukrayna Prezidenti Volodimir Zelenski bildirib ki, yeni cəbhənin açılmasına yol verməmək lazımdır, lakin İran və Şimali Koreyanın artıq faktiki olaraq müharibədə iştirak etdiyi nəzərə alınmalıdır.
O, İranın müharibənin ilk ilindən Rusiyaya “Şahed” tipli pilotsuz uçuş aparatları, texnologiyalar və istehsal lisenziyaları verdiyini vurğulayıb.
“Onlar minlərlə pilotsuz aparat göndəriblər. Düşünürəm ki, bu, bizə qarşı hücum deməkdir”, – deyə Zelenski bildirib.
Ukrayna lideri İranın hücumları genişləndirməyəcəyinə ümid etdiyini, lakin bütün mümkün ssenarilərə hazır olmağın vacibliyini qeyd edib.
Xatırladaq ki, iyulun 25-də Ukrayna Xəzər dənizində İranın ticarət gəmisinə zərbə endirib və Kiyev gəminin Rusiyaya hərbi yük daşıdığını bəyan edib.
