VII Ümumdünya Mədəniyyətlərarası Dialoq Forumunda 100 ölkədən 500 xarici qonaq iştirak edir.
Bunu Prezident İlham Əliyev forumun açılış mərasimində deyib.
Dövlət başçısı bildirib ki, bu göstərici forumun son illərdə effektiv və inklüziv platformaya çevrildiyini nümayiş etdirir.
“Bu onu göstərir ki, forum son illər ərzində sözün əsl mənasında effektiv və inklüziv platrofmaya çevrilib. Əslində, forumda qlobal gündəlikdə olan taxirəsalınmaz məsələlər haqqında danışırıq. 2011-ci ildə bizim təşəbbüsümüzlə ilk dəfə belə bir forum təşkil olundu. Mən BMT-yə bu təşəbbüsü dəstəklədiyinə görə təşəkkürümü bildirirəm”, – Prezident qeyd edib.
