Venesuelada baş vermiş güclü zəlzələlər nəticəsində həyatını itirənlərin sayı 4 930 nəfərə çatıb.
Milli Assambleyanın sədri Xorxe Rodriqezin açıqladığı yenilənmiş hökumət hesabatına görə, 16 740 nəfər yaralanıb, 17 907 nəfər isə evsiz qalıb. Fəlakət nəticəsində 190 bina tamamilə dağılıb, 856 binaya ciddi ziyan dəyib.
Axtarış-xilasetmə əməliyyatları zamanı 6 462 nəfər xilas edilib, 35 781 nəfərə tibbi yardım göstərilib. Bundan başqa, 128 mindən çox ailəyə dəstək verilib, 21 210 nəfər müvəqqəti sığınacaqlara yerləşdirilib, zərərçəkənlərə isə 10 min tondan çox ərzaq çatdırılıb.
Xatırladaq ki, iyunun 24-də Venesuelada təxminən 40 saniyə fərqlə 7,2 və 7,5 maqnitudalı iki güclü zəlzələ baş verib. Episentrlər Yarakuy ştatında yerləşib. Əsas təkanlardan sonra 1 308 təkrar zəlzələ qeydə alınıb.
