Tovuz rayonunda 65 yaşlı qadının qətlə yetirilməsi ilə bağlı cinayət işi başlanılıb.
Xəbər Mərkəzi Report-a istinadən bildirir ki, avqustun 6-da Əlimərdanlı kəndində 1961-ci il təvəllüdlü Məhəbbət İsayevanın meyiti aşkarlanıb.
Tovuz Rayon Prokurorluğu tərəfindən aparılan ilkin istintaq zamanı müəyyən edilib ki, 1997-ci il təvəllüdlü Ülvi İsayev şəxsi münasibətlər zəminində yaranmış mübahisə zamanı odun parçası ilə xəsarətlər yetirərək qohumu Məhəbbət İsayevanı qəsdən öldürüb.
Faktla bağlı Cinayət Məcəlləsinin 120.1-ci maddəsi (qəsdən adam öldürmə) ilə cinayət işi başlanılıb. Ülvi İsayev şübhəli şəxs qismində tutulub.
İbtidai istintaq davam edir.
