Bu gün Azərbaycanın hərb tarixinə qəhrəmanlıq salnaməsi kimi yazılan Tovuz döyüşlərinin növbəti ildönümüdür.
2020-ci il iyulun 12-də Ermənistan silahlı qüvvələrinin Tovuz rayonu istiqamətində törətdiyi təxribatın qarşısı Azərbaycan Ordusu tərəfindən qətiyyətlə alınıb.
Azərbaycanın qələbəsi ilə başa çatan döyüşlər zamanı düşmənin 100-dən çox hərbçisi zərərsizləşdirilib, çoxsaylı hərbi obyektləri məhv edilib.
Tovuz döyüşlərində general-mayor Polad Həşimov, polkovnik İlqar Mirzəyev və daha 10 hərbi qulluqçu, həmçinin Tovuzun Ağdam kənd sakini Əziz Əzizov şəhid olub.
Prezident İlham Əliyevin 9 dekabr 2020-ci il tarixli sərəncamı ilə Polad Həşimov və İlqar Mirzəyevə ölümündən sonra “Azərbaycanın Milli Qəhrəmanı” adı verilib.
