Ukraynanın vəzifəsindən azad edilən müdafiə naziri Fyodorovun gələcəkdə prezident seçkilərində namizəd kimi iştirak edə biləcəyi iddia olunur.
Britaniyanın “The Times” nəşrinin yazdığına görə, siyasi dairələrdə 35 yaşlı Fyodorovun gələcəkdə prezidentliyə namizəd olacağı ilə bağlı gözləntilər artır.
Nəşr bildirir ki, sabiq nazirin yaxın ətrafından olan mənbənin sözlərinə görə, ona korrupsiyaya qarşı islahatlar platforması əsasında yeni siyasi partiya yaratmaq tövsiyə edilib. Mənbə iddia edir ki, Fyodorov artıq bir neçə deputatın dəstəyini qazanıb.
Hakim “Xalqın Xidmətçisi” Partiyasından anonim danışan deputat isə vəziyyəti Ukrayna Silahlı Qüvvələrinin keçmiş baş komandanı Valeri Zalujnı ilə müqayisə edib. Onun sözlərinə görə, Zalujnı vəzifədən kənarlaşdırıldıqdan sonra Prezident Volodimir Zelenskiyə seçkilərdə qalib gələ biləcək əsas rəqib kimi qəbul olunmağa başlayıb.
