Bakının Suraxanı rayonunun Bahar qəsəbəsində tikilməkdə olan fərdi yaşayış evində beton plitələr uçub.
Hadisə nəticəsində iki nəfər dağıntılar altında qalıb. Fövqəladə Hallar Nazirliyinin xilasediciləri onları dağıntılar altından çıxarıb.
1966-cı il təvəllüdlü Xəlil Mehdiyev müxtəlif dərəcəli xəsarətlər alıb. 1969-cu il təvəllüdlü Cəlil Mehdiyevin isə meyiti dağıntılar altından çıxarılıb.
Hadisə ilə bağlı aidiyyəti qurumlar tərəfindən araşdırma aparılır.
