Sabah Bakının Qaradağ rayonunun bir sıra ərazilərində qaz təchizatı müvəqqəti dayandırılacaq.
“Azəriqaz” İstehsalat Birliyinin məlumatına görə, “Qaz İxrac” İdarəsinin həyata keçirəcəyi təmir-quraşdırma işləri ilə əlaqədar iyulun 22-də saat 08:00-dan işlər başa çatanadək qazın verilişində fasilə yaranacaq.
Qaz kəsintisi Səngəçal, Umbakı və Əzimkənd qəsəbələrini, həmçinin Yol evləri və Bağ evləri yaşayış massivlərini əhatə edəcək.
