Rusiya ordusunun Ukraynanın Xerson və Zaporojye vilayətlərinə endirdiyi zərbələr nəticəsində azı 5 nəfər həlak olub, 63 nəfər yaralanıb.
Xerson Vilayət Hərbi Administrasiyasının rəhbəri Aleksandr Prokudin bildirib ki, son sutka ərzində Xerson şəhəri də daxil olmaqla 37 yaşayış məntəqəsi Rusiya ordusunun hücumuna məruz qalıb. Onun sözlərinə görə, hücumlar nəticəsində 2 nəfər ölüb, daha 16 nəfər yaralanıb.
Zaporojye Vilayət Hərbi Administrasiyasının rəhbəri İvan Fyodorov isə bildirib ki, Rusiyanın idarəolunan aviabombalarla Zaporojye şəhəri və rayonu istiqamətində həyata keçirdiyi zərbələr nəticəsində 3 nəfər həlak olub, 47 nəfər xəsarət alıb.
