“Məktəblərdə nəzarət həddindən artıq gücləndirilməlidir. Çünki bir növ, proses oradan başlayır”.
Bunu təhsil eksperti Rəşad Qardaşov Xəbər Mərkəzinə verdiyi eksklüziv müsahibədə məktəblərdə şagirdlərə nəzarət mexanizmlərinin gücləndirilməsi ilə bağlı danışarkən açıqladı.
Ekspert məktəblərdə şagirdlərə göstərilən diqqət və qayğının nəzarət mexanizmi ilə müşayiət olunmasının vacibliyini qeyd etdi. O bildirdi ki, nəzarət şagirdlər üzərində təzyiq yaradılması kimi başa düşülməməlidir.
“Biz bütün şagirdlərimizə gələcəyin şəxsiyyəti gözü ilə baxırıq. Onlar bizim gələcəyimizdir, gələcək onların əlindədir. Lakin şagird standartları və müəyyən çərçivələr var. Şagird ondan kənara çıxa bilməz”, – deyə Rəşad Qardaşov vurğuladı.
Təhsil eksperti müəllimlərin şagirdlərin davranışına, təhsilinə və sosial yönümünə diqqət yetirməsinin vacibliyini diqqətə çatdırdı. O, müəllimlərin gördüyü işləri kölgədə qoymaq istəmədiyini də qeyd etdi.
Rəşad Qardaşov xüsusilə 8, 9, 10 və 11-ci siniflərdə yarana biləcək neqativ hallara qarşı münasibətin birmənalı olmalı olduğunu bildirdi.
“Xüsusilə 8, 9, 10 və 11-ci siniflərdə bu heç də xoşagələn hal deyil. Neqativ hallar mövcud ola bilər, lakin bunlara qarşı münasibət birmənalı şəkildə belə olmalıdır: yol verilməzdir. Birmənalı şəkildə yol verilməzdir”, – deyə ekspert bildirdi.
O, belə halların qarşısının alınması üçün maarifləndirmə tədbirlərinin keçirilməsinin vacib olduğunu, lakin bununla yanaşı, nəzarət mexanizmlərinin də gücləndirilməli olduğunu vurğuladı.
Rəşad Qardaşov şagirdlərin şəxsi əşyalarının yoxlanılmasının düzgün yanaşma olmadığını qeyd etdi. Onun sözlərinə görə, məktəblərdə müşahidə kameralarından istifadə etmək, sinif rəhbərlərinin üzərinə düşən nəzarət yükünü artırmaq və çoxsaylı sinifləri qruplara bölmək mümkündür.
“Bir şagirdin cibini yoxlamaq da düzgün deyil. Buna görə müəyyən müşahidə kameraları qoyulur, onların vasitəsilə nəzarət aparmaq olar. Sinif çoxsaylı şagirddən ibarətdirsə, onu iki qrupa bölüb iki müəllim təhkim etmək olar. Birmənalı şəkildə məktəblərdə nəzarət həddindən artıq gücləndirilməlidir”, – deyə o açıqladı.
Ekspert bildirdi ki, şagirdə məktəb yaşından etibarən lazımi diqqətin göstərilməməsi gələcəkdə onun tələbə, azad şəxs və vətəndaş kimi qarşılaşa biləcəyi problemlərə təsir göstərə bilər.
“Biz əgər məktəb şagirdinə layiqincə diqqət göstərə bilmiriksə, onun gələcəkdə tələbə kimi, azad bir şəxs kimi, vətəndaş kimi hansı problemlərlə rastlaşa biləcəyini demək çox çətindir. Birmənalı şəkildə belə neqativ halların qarşısını almaq üçün nəzarət həddindən artıq artırılmalı və gücləndirilməlidir”, – deyə Rəşad Qardaşov bildirdi.
Təhsil eksperti məktəblərdə nəzarətin mövcud olduğunu, lakin bu nəzarətin müəllimlər arasında daha düzgün bölüşdürülməsinin vacibliyini vurğuladı. O bildirdi ki, müəllim üzərinə düşən şagird sayının azalması nəzarətin daha effektiv qurulmasına imkan verə bilər.
“40 şagirdi dörd müəllimin arasında bölmək, üç müəllimin arasında bölmək lazımdır ki, nəzarət mexanizmi güclü olsun. Şagirdlərin proporsi
