“Qurdlar Vadisi” serialında illər əvvəl yayımlanan bəzi səhnələr 15 iyul çevriliş cəhdindən sonra yenidən gündəmə gəlib.
“Qurdlar Vadisi Pusu”nun 79-cu bölümündə Memati və Kazımın istifadə etdiyi avtomobilin 34 FG 7061 dövlət qeydiyyat nişanı müzakirələrə səbəb olub. İddialara görə, “FG” hərfləri Fətullah Gülənə, “7061” rəqəmləri isə tərsinə oxunduqda 16.07 tarixinə işarə edir. Lakin bu iddiaların hər hansı rəsmi təsdiqi yoxdur.
Bundan başqa, PANA Film tərəfindən “Qurdlar Vadisi Darbe” adının patentinin 15 iyul çevriliş cəhdindən təxminən iki ay əvvəl alındığı barədə məlumat da müzakirə olunub.
2009-cu ildə yayımlanan “Qurdlar Vadisi Gladio” filmindəki çevriliş səhnəsi də yenidən gündəmə gəlib. Filmdə çevrilişin saat 21:00-da baş verməsi və “Çevriliş ifşa oldu” ifadəsinin işlədilməsi diqqət çəkib.
