“Xəbər Mərkəzi” Türkiyə mediasına istinadla xəbər verir ki, “Yeni Parti” Partiyasının Qaziantepdən olan deputatı Melih Meriç hücuma məruz qalıb.
Hadisəni CHP-nin Oğuzeli rayon təşkilatının keçmiş sədri Seydi Ahmet Keleşin törətdiyi bildirilir. Yaralanan deputat dərhal Qaziantep Şəhər Xəstəxanasına çatdırılaraq əməliyyata alınıb. Onun həyati təhlükəsinin olduğu bildirilir.
Qeyd edək ki, hadisə anı ətrafdakı təhlükəsizlik kameralarına da düşüb. Görüntülərdə M. Meriç ilə S.A.K. arasında yaşanan gərginlik və əlbəyaxa dava əks olunub. Bildirilib ki, deputat günorta saatlarında şəxsi mühafizəçisinə icazə verdiyi üçün hadisə anında yanında heç kim olmayıb.
Hazırda hadisəni törədib qaçan şübhəlinin saxlanılması istiqamətində əməliyyat-axtarış tədbirlərini davam etdirilir.
