Bu gün növbəti köç karvanı Bakıdan Xocalı, Ağdərə və Cəbrayıl rayonlarının yaşayış məntəqələrinə yola salınıb.
Bu mərhələdə ümumilikdə 65 ailə, 257 nəfər doğma yurduna qayıdır.
Xocalının Xanabad kəndinə 10 ailə (31 nəfər), Təzəbinə kəndinə 9 ailə (39 nəfər), Badara kəndinə 6 ailə (24 nəfər), Daşbulaq kəndinə 2 ailə (7 nəfər), Seyidbəyli kəndinə isə 1 ailə (5 nəfər) köç edib.
Ağdərə rayonunun Aşağı Oratağ kəndinə 10 ailə (34 nəfər), Vəngli kəndinə 6 ailə (26 nəfər), Həsənriz kəndinə 6 ailə (17 nəfər), Kolatağ kəndinə isə 3 ailə (19 nəfər) yola salınıb.
Həmçinin Cəbrayıl rayonunun Şükürbəyli kəndinə 12 ailədən ibarət, ümumilikdə 55 nəfərlik köç karvanı yola düşüb.
