UEFA Konfrans Liqasının pley-off mərhələsində “Tvente” (Niderland) ilə səfər oyunu üçün “Qarabağ” azarkeşlərinə 1500 yer ayrılıb.
Xəbər Mərkəzi Ağdam klubunun mətbuat xidmətinə istinadən xəbər verir ki, matçın vauçerləri bu gün saat 17:00-dan etibarən satışa çıxarılacaq.
Vauçerləri “İticket.az” saytı vasitəsilə onlayn əldə etmək mümkündür. Biletlərin qiyməti 45 manat təşkil edir. Vauçer əldə etdikdən sonra bilet oyun gününədək alıcının e-poçt ünvanına göndəriləcək.
Stadiona giriş yalnız biletlə mümkün olacaq. Azarkeşlər şəxsiyyəti təsdiq edən sənədi də özləri ilə gətirməlidirlər.
“FC Twente Stadion”da “Qarabağ” azarkeşləri 325 və 326-cı sektorlara “Gate X” girişindən daxil olacaqlar.
Qeyd edək ki, “Tvente” – “Qarabağ” qarşılaşması avqustun 20-də Bakı vaxtı ilə saat 22:00-da keçiriləcək.
