Prezident İlham Əliyev məhkum edilmiş bir sıra şəxslərin cəzanın çəkilməmiş hissəsindən azad edilməsi ilə bağlı sərəncam imzalayıb.
Sərəncama əsasən, azadlıqdan məhrumetmə cəzasına məhkum edilmiş 19 nəfər cəzanın çəkilməmiş hissəsindən azad edilib.
Əfv olunanlar arasında Azərbaycanda cəza çəkən 5 əcnəbi vətəndaş da var. Onlardan biri Fransa, ikisi Türkiyə, biri Rusiya, biri isə Pakistan vətəndaşıdır.
Həmçinin azadlığın məhdudlaşdırılması cəzasına məhkum edilmiş Əziz Dadaşov cəzasının çəkilməmiş hissəsindən azad olunub.
Sərəncamda qərarın humanizm prinsiplərinə əsaslandığı qeyd edilib.
