Azərbaycan Respublikasının Prezidenti İlham Əliyev oktyabrın 16-da Hindistanın ölkəmizdə yeni təyin olunmuş fövqəladə və səlahiyyətli səfiri Abhay Kumarı qəbul edib.
Səfir etimadnaməsini dövlət başçısına təqdim edib. Abhay Kumar Azərbaycanla Hindistan arasında ikitərəfli münasibətlərin inkişafı üçün səylərini əsirgəməyəcəyini bildirib.
Görüşdə bu ilin sentyabrında Bişkekdə Şanxay Əməkdaşlıq Təşkilatının (ŞƏT) Zirvə Görüşü çərçivəsində Prezident İlham Əliyev ilə Hindistanın Baş naziri Narendra Modi arasında baş tutan təmaslar xatırlanıb.
Azərbaycan və Hindistan xalqları arasında minilliklərə söykənən tarixi-mədəni əlaqələrin olduğu vurğulanıb. Həmçinin ikitərəfli münasibətlərin müxtəlif sahələrdə inkişaf perspektivləri barədə fikir mübadiləsi aparılıb.
