Azərbaycan Prezidenti İlham Əliyev oktyabrın 26-da Dünya Turizm Təşkilatının Baş katibi Şeyxa Əl Nuveysi qəbul edib.
Görüşdə qonaq qəbul üçün dövlət başçısına minnətdarlığını bildirib.
Tərəflər Azərbaycanla Dünya Turizm Təşkilatı arasında əməkdaşlıqdan məmnunluqlarını ifadə ediblər. Ölkədə turizmin inkişafına dövlət səviyyəsində göstərilən diqqətdən bəhs olunub, paytaxtla yanaşı, regionlarda da müasir turizm infrastrukturunun yaradıldığı vurğulanıb.
Həmçinin Azərbaycanda hökm sürən əmin-amanlığın turizmin inkişafı üçün mühüm əhəmiyyət daşıdığı qeyd edilib və ölkənin turistlər üçün cəlbedici olduğu bildirilib.
Görüşdə gələcək əməkdaşlıqla bağlı məsələlər də müzakirə olunub.
