Polşanın Mazoviya voyvodalığında, Vışkuv şəhəri yaxınlığında yerləşən ibtidai məktəbə hücum edilib.
Hadisə nəticəsində 37 yaşlı təmizlikçi qadın həyatını itirib.
Polisin mətbuat xidmətinin məlumatına görə, məktəbin keçmiş şagirdi binaya daxil olaraq üç nəfəri – müəllim, direktor və təmizlikçi qadını yaralayıb.
İlkin məlumata görə, məktəbin direktoru hücumçunu zərərsizləşdirib. Şübhəli şəxs polis tərəfindən saxlanılıb.
Həkimlərin səylərinə baxmayaraq, təmizlikçi qadının həyatını xilas etmək mümkün olmayıb. Yaralanan müəllim xəstəxanaya yerləşdirilib.
Digər zərərçəkmişin vəziyyətinin kritik olduğu bildirilir və ona reanimasiya tədbirləri görülür.
