Qanunsuz odlu silah saxlama və dələduzluq cinayətləri ilə bağlı axtarışda olan M. Mirzəyev saxlanılarkən polis əməkdaşlarına silahlı müqavimət göstərib.
Daxili İşlər Nazirliyinin Mətbuat Xidmətindən bildirilib ki, polis əməkdaşları tərəfindən tabel silahından istifadə olunmaqla M. Mirzəyev zərərsizləşdirilib.
Məlumata görə, M. Mirzəyev əvvəllər qəsdən adamöldürmə, qanunsuz olaraq odlu silah əldə etmə və saxlama, soyğunçuluq, qaçaqmalçılıq, həmçinin narkotik vasitələrin qanunsuz dövriyyəsi ilə bağlı cinayətlərə görə məhkum edilib.
Hadisə yerindən “Makarov” markalı tapança aşkar edilərək götürülüb.
Faktla bağlı aidiyyəti üzrə araşdırma aparılır.
