ABŞ-nin müdafiə naziri Pit Heqset İsrailə gizli səfər edib və ölkənin Baş naziri Benyamin Netanyahu ilə görüş keçirib.
“Axios” portalının məlumatlı mənbələrə istinadən yaydığı xəbərə görə, görüş oktyabrın 19-da baş tutub. Danışıqların təfərrüatları açıqlanmayıb.
Nəşr qeyd edib ki, səfər ABŞ Prezidenti Donald Trampın İsraildə 2026-cı il oktyabrın 27-də keçirilməsi planlaşdırılan parlament seçkilərində Netanyahunun namizədliyini dəstəkləməsindən bir gün sonraya təsadüf edib.
Görüş, həmçinin Vaşinqtonla Təl-Əviv arasında İrana qarşı genişmiqyaslı hərbi əməliyyatların mümkün bərpası ilə bağlı müzakirələrin aparıldığı dövrdə baş tutub.
