Pentaqon Rusiyanın 33 ali təhsil müəssisəsini ABŞ-nin milli təhlükəsizliyinə təhdid yaradan qurumların siyahısına salıb.
Bu barədə ABŞ Müdafiə Nazirliyi məlumat yayıb.
Siyahıya M.V.Lomonosov adına Moskva Dövlət Universiteti, N.E.Bauman adına Moskva Dövlət Texniki Universiteti və Ali İqtisadiyyat Məktəbi də daxil edilib.
Ümumilikdə siyahıda Rusiya, İran və Çindən 130 təhsil müəssisəsi yer alıb.
Pentaqon yerli tədqiqatçılara, akademik müəssisələrə və sənaye tərəfdaşlarına siyahıya daxil edilmiş qurumlarla əməkdaşlıq, maliyyələşdirmə və məlumat mübadiləsi zamanı xüsusi ehtiyatlı olmağı tövsiyə edib.
