Paytaxt ərazisində oğurluq əməlləri törətməkdə şübhəli bilinən şəxslər saxlanılıblar.
Xəzər rayon sakini polisə müraciət edərək “KamAZ” markalı yük avtomobilindən ümumi dəyəri 1000 manat olan 4 ədəd akkumulyatorun oğurlandığını bildirib. Polis əməkdaşlarının keçirdikləri tədbirlər nəticəsində əməli törətməkdə şübhəli bilinən T. Mirələmov saxlanılıb.
Bundan başqa, Binəqədi və Yasamal rayonlarında da oğurluq faktları qeydə alınıb. Zərərçəkən şəxslər polisə müraciət edərək “Toyota” markalı avtomobildən mobil telefonların, içərisində nağd pul və digər şəxsi əşyalar olan çantanın, eləcə də velosipedin oğurlandığını bildiriblər.
Polis əməkdaşlarının keçirdikləri tədbirlərlə oğurluq əməllərini törətməkdə şübhəli bilinən R. Mikayılov, A. Abdurahmanov və K. Heydərov saxlanılıblar.
Faktlarla bağlı araşdırma aparılır.
