Odessa sahilləri yaxınlığında hücuma məruz qalan “Atlas Bey” mülki ticarət gəmisinin heyətində olan 10 Azərbaycan vətəndaşı Türkiyə üzərindən Azərbaycana yola salınıb.
Azərbaycan Xarici İşlər Nazirliyinin (XİN) məlumatına görə, onlar Moldovaya keçdikdən sonra Türkiyə vasitəsilə ölkəyə yola düşüblər.
Bildirilib ki, gəmi kapitanının axtarışları isə davam edir. Azərbaycanın Ukraynadakı səfirliyi bu istiqamətdə Ukraynanın aidiyyəti qurumları ilə birgə müvafiq tədbirlər görür.
