20 gün əvvəl həbs edilən tiktoker İlduzə Hacıyeva (“Arzum”) ev dustaqlığına buraxılıb.
Apellyasiya Məhkəməsi müdafiə tərəfinin həbs qətimkan tədbirinin ev dustaqlığı ilə əvəz olunması barədə vəsatətini təmin edib.
Məhkəmə qərar qəbul edərkən İlduzə Hacıyevanın dörd övladının olmasını, onlardan birinin isə ağır autizm xəstəliyindən əziyyət çəkməsini nəzərə alıb.
Qərara əsasən, o, ev dustaqlığında olduğu müddətdə sosial şəbəkələrdən istifadə edə bilməyəcək və yalnız telefon vasitəsilə ailə üzvləri ilə əlaqə saxlaya biləcək.
Bundan başqa, məhkəmə vəkillərin işin yenidən araşdırılması ilə bağlı vəsatətini də təmin edib. İş üzrə apellyasiya baxışı məhkəmə istintaqı ilə aparılacaq və müdafiə tərəfi yeni sübutlar təqdim edə biləcək.
